12.5 C
Tirana
Friday, September 24, 2021
KryefaqjaAktualitet“Ata nuk ja dolën dot, por ne jemi bashkë për të…”! Mesazhi...

“Ata nuk ja dolën dot, por ne jemi bashkë për të…”! Mesazhi prekës nga fushata e PS për viktimat e Covid-it: Edi Rama është punëtor i zakonshëm, votojeni!

Kryesuesja e listës së Partisë Socialiste në qarkun e Shkodrës, Edona Bilali, është kandidatja e parë që e startojë fushatën zyrtare të PS.

Bilali e nisi fjalën e saj me një kritikë për qeverinë, e cila sipas saj, nuk ka bërë aq sa duhet për Shkodrën.

Ajo shtoi, se i është bashkuar familjes së madhe socialiste, për transformimin e Shkodër, ashtu sipas saj, ka ndodhur edhe me Korçën dhe Vlorën.

“Unë e pranova sfidën, sepse e dua Shkodrën dhe kam dashur që politika të sillej më mirë me Shkodrën, e kam fjalën edhe për PS, sepse edhe ajo ka pjesën e saj të borxhit për këtë qytet.,. Shkodra është unike, i ka të tëra, lumin, liqenin, detin dhe malin. Ka ardhur koha të besojmë PS, për t’u bërë edhe Shkodra, si Korça, Vlora, që janë transformuar. Ndaj miqtë e mi shkodranë, ju them kurajo sepse e keni vetë në dorë të bëni Shkodrën të ardhmen tonë, ashtu siç e gjithë Shqipëria”, tha Bilali.

Najada Çomo në fushatën e PS: Nuk kërkoj votën për vete por për PS, do vijoj të ushtroj profesionin për të fituar betejën me Covid

Në fjalën e saj nga Sheshi “Skënderbej”, kandidatja e PS për qarkun e Tiranës, Najada Como, u shpreh se ndihej e privilegjuar për ftesën për t’iu bashkuar skuadrës së PS.

“Në vendin tim mund të ishte kushdo tjetër, po unë jam një nga ata që përfaqësoj të gjitha bluzat e bardha. Iu afrova skuadrës së PS me shumë kolegë të tjerë dhe natyrisht nuk jam politikane, do vijoj të ushtroj profesionin për të fituar betejën me Covid, dhe do të jap maksimimunim në fushën shëndetësore. I jam bashkuar me bindje PS, kam parë njerëz të palodhur, pa llafe por njerëz që e cojnë punën deri në fund. Nuk kërkoj të marr votën për vete.  I jam bashkuar me bindje skuadrës së PS. Ndaj ju ftoj te votoni PS”, u shpreh Çomo.

Luljeta Bozo: Shqiptarët janë të zgjuar, do dinë të bëjnë zgjedhjen e duhur më 25 prill! Edi Rama dhe PS janë për njerëzit e thjeshtë!

Kandidatja e PS në Tiranë, inxhinierja Luljeta Bozo, dha një mesazh nga Sheshi “Skënderbej” se pse qytetarët duhet të votojnë sërish Edi Ramën dhe Partinë Socialiste. Bozo u shpreh se shqiptarët janë të zgjuar dhe do të dinë të bëjnë zgjedhjen e duhur më 25 prill, që sipas saj, është PS, pasi do të vijojë reformat e nisura për të çuar përpara Shqipërinë.

“Do them dy fjalë për popullin tonë, që është i zgjuar, punëtor dhe që di të bëjë zgjedhjen e duhur në momentin e duhur. Është një popull i sakrificës dhe solidaritetit. Them që populli do dijë ta bëjë zgjedhjen e duhur dhe do votojë patjetër PS, sepse e di që nga e nisi punën para tetë vitesh PS, çfarë arriti gjatë këtyre tetë viteve, që janë të dukshme, si u rrit niveli i jetesës, i shërbimeve, i arsimit. Në të gjitha fushat ka pasur vetëm përparime. Duke parë çfarë është arritur, me këtë forcë do të arrijmë reforma dhe ndryshme edhe më të mëdha. Gjithë programi i PS është i bazuar në llogaritje shumë të sakta, në energjinë e pashtershme të rinisë dhe grave tona, bazohet në energjinë e madhe që ka populli jonë dhe besimin që ka në një të ardhme më të mirë e më të ndritur. I ftoj të gjithë njerëzit dhe jam shumë e bindur në pjekurinë dhe zgjuarsinë e popullit tonë që të bëjë zgjedhjen e duhur për të votuar këtë forcë politike, që i ka vënë detyrë vetes të përballojë, ose të eliminojë, dy sfida shumë të vështira, si pandemia, të bëjë gjithë vaksinimin; dhe të shërojë të gjitha plagët, duke e rilindur nga e para Shqipërinë, që u shkatërrua nga tërmeti. Populli me pjekurinë e vërtetë do ta votojë PS, sepse është i bindur se këto reforma që ka nisur në të gjitha fushat, do ta bëjnë vendin më të begatë. I ftoj të gjithë që të votojnë për këtë forcë politike që është për njerëzit e thjeshtë, shumë progresiste dhe me vizion të jashtëzakonshëm”, tha Bozo.

Kandidati i PS që erdhi nga Londra: Opozita nuk e meriton në asnjë mënyrë një shans tjetër! PS ka shumë për të ofruar

Kandidati i PS për Dibrën, Lavdërim Krashi, i cili erdhi nga Londra, ku punonte në bashkinë e kryeqytetit britanik, foli në nisje të fushatës elektorale të PS, në Sheshin “Skënderbej”. Krashi tha se PS meriton mandatin e tretë, pasi sipas tij, pavarësisht të metave dhe gabimeve, ka shumë për të ofruar për Shqipërin.ë

“Ne duam që një ditë të jemi në Shqipëri. E dimë të gjithë se sa bukur është ta thuash apo ta dëgjosh këtë, por e dimë se sa e vështirë është që Shqipëria jonë të bëhet shtëpia e të gjithë shqiptarëve. Por, siç thoshte Nënë Tereza jonë e madhe “Ndiz një qiri, në vend që të mallkosh”. Të gjithë ne duhet të punojmë, që ta bëjmë Shqipërinë vendin e shqiptarëve. Unë jam këtu për të kontribuar modestisht për Dibrën dhe gjithë Shqipërinë, në mënyrë që vendi im të bëhet vendi ynë, e ardhmja e fëmijëve të saj. Në këtë skuadër të fortë këtu, do ta bëjmë gjithë Shqipërinë vendin për të gjithë neve. Me punë këmbëngulëse, duke besuar e mbështetur njëri-tjetrin, por mbi të gjitha duke ndihmuar Edi Ramën për të përballuar sfidat që kemi përpara. Ata nuk e meritojnë një shans tjetër në asnjë mënyrë. PS meriton mandatin e tretë, sepse me gjithë te metat dhe gabimet e saj, PS ka shumë për të ofruar për Shqipërinë tonë”, tha Krashi.

Aktori i njohur Petrit Malaj, kryesues i listës së qarkut të Kukësit për PS: Ja pyetja që i shtrova kryeministrit para se të pranoja propozimin dhe garancia që më dha

Aktori i njohur, Petrit Malaj, në këto zgjedhje elektorale është kryesuesi i listës së Partisë Socialiste për qarkun e Kukësit. Ai tha, se para se të pranonte propozimin e kryeministrit Edi Rama, i ka bërë vetëm një pyetje, të vazhdojë më tej zhvillimin e qarkut të Kukësit.

“Edi Rama më ftoi për të marrë pjesë në këtë skuadër, më ftoi për të përfaqësuar Tropojën. I kërkova vetëm një garanci, që ndryshimet që kanë ndodhur në Tropojë, Kukës, Has, do të vazhdojnë përsëri. Ai ma garantoi këtë gjë dhe unë mjaftohem me fjalën e tij sepse Edi është person i fjalës edhe i punës. Qarku i Kukësit do e votojnë Ramën sepse është i punës. Edhe unë do ia kërkoj votën për këtë njeri të punës. Këtu është mbledhur puna e të gjithë të rinjve, në pasionin e ambicien e ndryshimit të mëtejshëm të vendit tonë. Rama do e çojë Shqipërinë në një nivel tjetër. Ka shumë për të bërë, do vazhdojmë punën që Shqipëria të bëhet e ardhmja e fëmijëve tanë”, tha Malaj.

Kushi mesazh të rinjve socialistë: Kur Rama më ftoi të bëhesha pjesë e PS, hezitova gjatë, por në fund vendosa dhe…

Në fjalën e saj nga Sheshi “Skënderbej”, kandidatja e PS, Evis Kushi, foli për ftesën që i është bërë nga kryeministri Edi Rama tetë vite më parë për t’u bërë pjesë e PS dhe punët e bëra në këto vite.

“Ftesën për t’u bërë pjesë e PS e mora 8 vite më parë, ku drejtoja Fakultetin Ekonomik në Elbasan. Në fillim hezitova gjatë, sepse nuk isha e bindur nëse duhet ta lija fakultetin për politikën, por në fund vendosa dhe i jam mirënjohëse Edi Ramës për këmbënguljen, sepse jo vetëm jam ndjerë e dobishme për komunitetin që përfaqësoj, por jam shumë krenare që së bashku kemi arritur të bëjmë shumë për qytetin tim, ku kam lindur, jam rritur, ku jetoj sot e po rris vajzat e mia. As në ëndrrat më të bukura nuk e kisha menduar që në Elbasan do të bëhej as shumë në këto vite, se sa në dhjetëra vite bashkë. E kam parë funksionimin e institucioneve nga një tjetër këndvështrim, i kam kuptuar më mirë sfidat e mëdha të vendit. Duhet shumë sakrificë, shumë punë, shumë durim, për t’i kthyer fjalët në vepra, idetë në projekte dhe qëllimet në realitet. Sot pas 8 vitesh, me shumë nder e krenari kandidoj për Elbasanin, por drejtoj edhe dikasterin më të rëndësishëm, Ministrinë e Arsimit. Dua t’iu them disa fjalë grave e vajzave që janë bashkuar së fundi: keni një sfidë të vështirë, por ama të bukur. Keni privilegjin e lartë për t’i shërbyer njerëzve, Shqipërisë sonë të dashur. Edi Rama ka energjinë, vullnetin, vizionin për të bërë Shqipërinë e së ardhmes. Ky është lidershipi që i duhet Shqipërisë së të ardhmes, prandaj kam besim që shumica e Shqipërisë do të votojë për njeriun e punës, jo për një grup njerëzish që janë karta të djegura”, tha Kushi.

“Shpëtuam nga thundrat e Metës dhe LSI dhe ka nisur ndryshimi”, kryesuesja e listës së Partisë Socialiste, Konomi: PS në Berat siguron 5 mandate

Hatixhe Konomi, kryesuesja e listës së Partisë Socialiste për qarkun e Beratit, gjatë çeljes së fushatës elektorale të PS, tha se Berati është duke lulëzuar nën qeverisjen e të majtëve. Ajo theksoi se qyteti është kthyer në një kantier të madh ndërtimi, që shënjon transformimin më tej të vendit. Më tej, Konomi premtoi se PS në qarkun e Korçës do të sigurojë 5 mandatë deputetësh.

“Berati prej shumë kohësh nuk pati numrin e vizitorëve që priste. Teksa qyteti degradonte çdo ditë, nuk e shihnim dorën e shtetit. Berati vuajti dhe nga thundra e Metës dhe e LSI, sepse na la që të trashëgonim një pushtet lokal, që ishte fisnor, i kushërinjve dhe dembel. Por situata në Berat ka ndryshuar tërësisht, është një kantier ndërtimi që nuk duhet të ndalet. Ndërkohë turizmi është i ardhmja jonë, sektorë shumë të rëndësishëm janë duke u zhvilluar me hapa galoponte, siç janë strehimi, agroturizmi. Nuk mund të lë pa përmendur përmbytjet që ndodhnin në Urën Vajgurore, tashmë i përket të kaluarës. Nuk lë pa përmendur, shfrytëzimin që i është bërë Malit të Tomorit, i përket të kaluarës. Shumë punë janë bërë në Berat, por shumë janë për të bërë. Kush më mirë se Edi Rama dhe Partisë Socialiste e bëjnë Shqipërinë të ardhmen tonë. Ne premtojmë që më 25 prill do i sjellim Parlamentit 5 deputetë në qarkun e Beratit”, tha Konomi.

Kryesuesja e listës së PS në Korçë: 25 prilli shans që nuk duhet humbur, jemi e vetmja alternativë për një Shqipëri më të mrië

Kryesuesja e listës së PS në Korçë, Sorina Koti në fjalimin për çeljen e fushatës elektorale i ka bërë thirrje qytetarëve që të mos humbasin shansin e 25 prillit.

Koti thotë se është shumë krenare që është në listën e PS, pasi qeveria e 8 viteve të fundit ka zhvilluar shumë Korçën.

Sipas saj PS është alternativ e vetme për një Shqipëri më të mirë dhe për të ecur përpara.

‘’Unë ndihem krenarë që jam pjesë e kësaj skuadre sepse me punën e palodhur që ajo kryen, ka bërë që Korça të jetë qytet model , por dhe nga destinacionet kryesote turistike.

Nuk kanë lidhje me njëra-tjetrën. Ne me krenari na bën që ta themi, falë investimeve të qeverisë, në shumë projekte madhoer, si Pazari i Korçës, Muzeu i Artit Mesjetar, RIndërtimi i Teatrit, Materniteti, dhe shumë projekte të tjera.

Këto investime kanë ndikuar drejtpërdrejt në jetët e qytetarëve, madje kemi edhe destinacione të tjera si Voskopoja, Dardha, Boboshtica. Nuk kemi lënë asnjë pa përmendur, pa prekur dhe pa qenë afër qytetarëve. Edhe fshatit që ka më shumë nevojë. Do doja t ë thoja se PS është e vetmja alternativë, kauzë që do të na çojë në të ardhmen që kërkojmë për fëmijët dhe të afërmit. Për një Shqipëri më të mirë. Një shans që nuk duhet humbur, jo vetëm për të zhvilluar Korçën, Pustecin, Pogradecin, Maliqin, Devollin, Kolonjën. ‘’- tha Koti.

Kryesuesja e PS në Vlorë: Ky është qyteti që më 25 prill ka një adresë të vetme, Edi Ramën

Kryesja e listës së PS në Vlorë, Pranvera Resulaj, tha se vlonjatët do të votojnë më 25 prill PS dhe Edi Ramën, pasi sipas saj, ata duan të vijojë transformimi rrënjësor.

“Sot të thuash që jam nga Vlora, do të thotë të jesh nga vendi ku vota për PS dhe Edi Ramën ka dhënë shpresën për të ardhmen. Vlora nuk është qyteti i mbushur me pluhur, Vlora është vendi që ka kthyer histori. Për të gjithë ata që duan të kenë transformime rrënjësore, Vlora është qyteti që më 25 prill ka një adresë të vetme, Edi Ramën dhe PS”, tha Resulaj.

Kumbaro për qarkun e Gjirokastrës: E transformuar falë PS, të nxisim banorët për votën, për ta çuar përpara zhvillimin e vendit!

Ish-ministrja e Kulturës, tashmë kryesuesja e listës së Partisë Socialiste për qarkun e Gjirokastrës, tha gjatë çeljes zyrtare të fushatës, se ky qark, kalon përmes zhvillimit vetëm me PS në krye.

Kumbaro tha se nën qeverisjen e PS, qarku i Gjirokastrës është kthyer në një thesar turistik, i gatshëm për t’u eksploruar nga qytetarët.

“Si gjirokastrite kam kaluar një pjesë të mirë të pjesës time duke qëndruar në dy bashki, nga shtatë të Gjirokastrës. Nuk e harroj vitin 2014, kur e ndieja Gjirokastrën të trishtuar. Kishte vetëm një hotel dhe asnjë restorant. M’u duk Gjirokastra shumë e rëndë, në rrënimin e saj. Por ishte një vizion, i vetmi që mund të më jepte shpresën, jo vetëm mua, port ë gjithëve, vizioni i Rilindjes Urbane, për ta nxjerrë Gjirokastrën, Përmetin, Dropullin nga errësira. Rilindja Urbane ishte një vizon që i ktheu bashkitë e qarkut të Gjirokastrës një sinonim të turizmit. Shikoni vetë ç’është sot Gjirokastra. Ka një rrjet të tërë hotelesh, që kanë ardhur falë vizionit tonë. Sot, Përmeti, qyteti që deri pak vitesh, apo Këlcyra, s’kishin ujë, ndërkohë që ishin në mes të ujërave. Tepelena është bukuroshja e fjetur, tashmë e zgjuar me kalanë dhe bukuritë që ka. Këta janë vizioni i së ardhmes, për mandatin e tretë. Nuk dua të zgjatem dhe ftoj të gjithë për dy gjëra. E para të kaloni fundjavat në qarkun e Gjirokastrës, është një thesar që ju pres. Nxisni çdo banorë, votues, qytetarë e fshatar që nuk ka alternativa më të mirë se PS dhe vizioni i skuadrës sonë dhe liderit të saj Edi Rama. Nuk jam vetëm sot, jam me një skuadër fantastike, me atë që ishim me Çuçin edhe në vitin 2017-ë. Tashmë me ballin lart, kemi arsyet dhe zërin për t’i kërkuar të gjithëve të flasin për vizionin tonë. kemi katër vite që jemi në fushatë, kantieret do të vazhdojnë më 25 prill për të votuar dhe me 26 prill për të mos u ndalur”, tha Kumbaro.

“Ata nuk ja dolën dot, por ne jemi bashkë për të…”! Mesazhi prekës nga fushata e PS për viktimat e Covid-it: Edi Rama është punëtor i zakonshëm, votojeni!

Zëvendëskryeministri Erjon Braçe, kandidat në listat e PS në Fier, foli nga Sheshi “Skënderbej” për zgjedhjet e 25 prillit. Braçe e nisi fjalën e tij me një mesazh tejet prekës për ata që humbën jetën nga koronavirusi, teksa tha se “ata nuk ja dolën dot, por ne jemi të gjithë bashkë për t’ia dalë edhe për ta”.

“Vijojmë një betejë që prej muajsh është beteja e secilit prej nesh. Do doja që fjalën time këtu ta nisja me një lutje: shpirti i tyre të prehet në paqe, ata nuk ja dolën, por ne jemi të gjithë bashkë për t’ia dalë edhe për ta. Kjo është beteja e gjithsecilit prej nesh për të cuar deri në fund betejën për jetën. Një mandat legjislativ apo ekzekutiv, mbi të gjitha mandati i tretë, nuk është një trofe, nuk është histori, është një kontratë pune me secilin prej jush. Shqiptarë kudo që jeni, kjo është diferenca dhe diferenca vjen nga puna, puna me nder, me dinjitet, me zemër, ka ndryshuar Shqipërinë. Kjo punë ka ndryshuar Fierin, Lushnjen, Mallakastrën, Roskovecin, Patosin, Divjakën. Puna bën diferencën. Ne punën kemi, asgjë tjetër. Ndaj duke u mbështetur fort te puna, do vazhdojmë më tej, për të ndryshuar e përmirësuar jetën e gjithsecilit, kudo në gjithë Shqipërinë. Kemi punë të madhe për të bërë. Thonë që është premtim i lodhur uji i pijshëm, por uji është jetë. Qarku i Fierit, me ekonominë më të madhe bujqësore të vendit, është themelor për ne. Bujqit janë ata që mbajtën Shqipërinë një vit të tërë me ushqime të freskëta. I përulem çdo bujku sot. Ne kemi projektin më të madh për ta. Këta tjetërsuan Lalzin, Golemin, Qerretin, të vijnë për të pushuar, por kurrë për të tjetërsuar pronat. PS është shtëpia ime, kam hyrë djalë, e jam burrë. Duhet të votoni për PS. Edi Rama është një mik, është një shok, për mua është një vëlla. Ka zgjedhur të më ketë në kram. Unë e çmoj shumë që më ka dhënë gjithë lirinë t’i qëndroj përballë. Edi Rama është një punëtor i zakonshëm si gjithë ju. Votoni për të. Thirrjen e fundit e kam për këta burra e zonja, që janë këtu, që përbëjnë skuadrën e Fierit të madh, votoni për PS. E kërkoj këtë votë me shpirt e me zemër”, tha Braçe.

vijon…

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

LAJMET E FUNDIT



ZEMRA E TIRANES