Leonardo Di Caprio poston sërish foto të Vjosës

Zemra e Tiranës
Read Time1 Minute, 52 Seconds

Aktori i njohur, Leonardo Di Caprio, del sërish në mbrojtje të lumit Vjosa. Aktori me famë botërore ka postuar një foto të lumit Vjosa në profilin e tij në Instagram, me mesazhin “Vjosa, jo diga”, ndërsa e shoqëron me një shkrim të gjatë.

“Ndërsa ne presim që Kryeministri Federal dhe qeveria e tij në Bosnjë dhe Hercegovinë të ndërmarrin hapa ligjore për të mbrojtur lumenjtë e vendit pjesë e ‘Zemrës Blu’ nga shkatërrimi i mëtejshëm nga hidrocentralet e vogla, ka lajme shumë të mira që vijnë nga Shqipëria. Vjosa, një nga lumenjtë e fundit të egër të Evropës mund të shpëtohet nga zhvillimi i hidrocentraleve. Në 25 Shtator, Kryeministri i Shqipërisë, Edi Rama, njoftoi se projekti i digës Kalivaç u refuzua dhe se zona do të bëhet një park kombëtar. Parku Kombëtar i lumit të Vjosa do të bëhej vendi më i madh i Evropës për ruajtjen e lumenjve që mbulon disa qindra kilometra lumenj dhe përrenj dhe mbron qindra, apo edhe mijëra specie, si ngjala e Evropës në rrezik global dhe flutura e Vjosës e zbuluar së fundmi. Kjo do të ishte një arritje e madhe për Shqipërinë dhe pjesën tjetër të Evropës dhe parku mund të bëhet një model për Strategjinë e Biodiversitetit brenda kornizës së Marrëveshjes së Gjelbër. Në pritje të më shumë lajmeve të mira në lidhje me veprimet konkrete për mbrojtjen e përhershme dhe të plotë të lumenjve në Bosnjë dhe Hercegovinë, Shqipëri dhe pjesën tjetër të rajonit të Ballkanit që përbëjnë ‘Zemrën Blu’”, shkruan Di Caprio në mesazhin e tij.

Një vit më parë Leonardo Di Caprio iu bashkua nismës për mbrojtjen e lumit Vjosa kundër ndërtimit të hidrocentraleve. Postimi që ai bëri në profilin e tij në Instagram bëri shumë jehonë. Lumi Vjosa është pjesë e ‘Zemrës Blu’ të Evropës, ku bëjnë pjesë edhe lumi Radika në Parkun Kombëtar Mavrovë në Maqedoni, dhe lumi Sava në Slloveni, Kroaci, Bosnje dhe Hercegovinë dhe Serbi.

 

Leave a Reply

Your email address will not be published. Required fields are marked *

Next Post

Kjo luftë është një provë karakteri për të gjithë

Aktori i njohur, Leonardo Di Caprio, del sërish në mbrojtje të lumit Vjosa. Aktori me famë botërore ka postuar një foto të lumit Vjosa në profilin e tij në Instagram, me mesazhin “Vjosa, jo diga”, ndërsa e shoqëron me një shkrim të gjatë. “Ndërsa ne presim që Kryeministri Federal dhe […]