Femrat me zemër të madhe

Editor
Read Time4 Minutes, 47 Seconds

8 Marsi njihet si dita ndërkombëtare e gruas, ditë që festohet çdo vit dhe përkujton lëvizjen e grave.

Në vendin tonë, dita e sotme përkthehet në një falenderim të madh për të gjithë femrat, për sakrificat e shumta, përkushtimin në familje, dashurinë që dhurojnë, e shumë e shumë veçori që ato përcjellin në shoqëri.
Ne sot u ndalëm tek “Instituti i nxënësve që nuk dëgjojnë” për të falendeuar femrat në këtë institucion për punën e palodhur që ato kryejnë çdo ditë me fëmijët.

Pikërisht këtë ditë, deputeti Ervin Bushati ja dedikon “Institucionit të nxënësve që nuk dëgjojnë”, femrave që kanë lidhur jetën e tyre me këta fëmijë dhe veçanërisht mësueses së edukimit muzikor znj. Sofi Kolgjini.

Përmes një postimi në rrjetet sociale, Bushati shkruan:

Gëzuar 8-Marsin 💐💐💐

Ditën e sotme ja dedikoj mēsueses së edukimit muzikor Znj. Sofi Kolgjini, një grua dinjitoze dhe e fortë 💪🏼, që me përkushtimin e një nëne 👩🏻‍🏫punon me fëmijët me dritë në shpirt të “Institutit të nxënësve që nuk shikojnë”. 

Femrat janë arkitektet e vërteta të shoqërisë.

Ato thonë të vërtetat me zë të lartë, 📢 ato shembin klieshetë e rreme që janë ngritur për gratë, ato i shpallin të drejtat e tyre! 📝

#8marsi #ZemraeTiranes

Histori

Ndërsa respektimi i parë i Ditës së Gruas u mbajt më 28 shkurt 1909 në Nju Jork, 8 marsi u sugjerua nga Konferenca Ndërkombëtare e Gruas 1910 për t’u bërë një “Ditë Ndërkombëtare e Gruas”. Pasi gratë morën të drejtën e votës në Rusinë Sovjetike më 1917, më 8 mars u bë një festë kombëtare atje. Dita u mbizotërua kryesisht nga lëvizja socialiste dhe vendet komuniste derisa u miratua në vitin 1975 nga Kombet e Bashkuara.

Ideja për “Ditën Ndërkombëtare të Gruas’ u hodh fillimisht në fillim të shekullit të XIX-të, e cila ishte një periudhë e tronditur nga trazirat dhe shtimi i popullsisë, për botën e industrializuar.

8 marsi njihet si “Dita e Gruas”, në të gjithë botën. Madje në shtete të ndryshme kjo ditë festohet si festë kombëtare. Kjo ditë shërben jo vetëm për bashkimin e grave pa dallim feje, race, kulture, gjuhe dhe prejardhjeje, por edhe për të kujtuar përpjekjet për barazi, paqe, drejtësi dhe ndërtim në gati 9 dekada. 

Në përputhje me deklaratën e Partisë Socialiste së Amerikës, dita e parë Nacionale e Gruas, u festua në SHBA më 28 shkurt 1909. Deri në vitin 1913 kjo ditë vazhdoi të festohej të dielën e fundit të shkurtit.

Në mbledhjen Socialiste Ndërkombëtare në Kopenhagën më 1910, u vendos që ‘Dita e Gruas’ të festohej në të gjithë botën, për nder të lëvizjes së grave për të drejtat e e tyre dhe për ti mbështetur gratë në njohjen e statusit të tyre në shoqëri. Në këtë konferencë morën pjesë 100 gra, nga 17 vende të botës, midis tyre dhe tre gratë e para të cilat u zgjodhën si pjesëtare në parlamentin e Finlandës.

Si rrjedhojë e vendimit të marrë në Kopenhagën, një vit më pas, në 1911 Dita e Gruas u vendos të festohej për here të pare në 19 mars, në Austri, Danimarkë, Gjermani dhe Zvicër, ku miliona burra dhe gra morën pjesë në organizimet kushtuar kësaj dite. Gratë kërkonin të drejtën e votimit, të qeverisjes, të punës, të edukimit si dhe ndalimin e diskriminimit në punë.

Vetëm pak ditë pas këtij vendimi, në 25 mars, një zjarr tragjik në Neë York,vrau mbi 140 vajza gjatë orarit të punës. Kjo ngjarje pati një rëndësi të madhe në vendosjen e ligjeve të reja në lidhje me kushtet e punës.

Në 1913 gratë ruse festuan Ditën e Gruas, të dielën e fundit të muajit shkurt si pjesë e manifestimeve për paqe. Ndërsa në pjesë të tjera të Evropës në 1914 kjo ditë filloi të festohej në 8 mars, shoqëruar me mbledhje dhe manifestime kundër Luftës së Parë Botërore.

Si rrjedhojë e humbjes së mbi 2 milion ushtarëve rusë gjatë Luftës së Parë Botërore, gratë ruse të dielën e fundit të shkurtit të 1917ës, u bashkuan në greva urie kushtuar “Bukës dhe Paqes”. Katër ditë pas fillimit të këtyre grevave, Cari u detyrua të jepte dorëheqjen dhe qeveria e përkohshme ju dha grave në Rusi të drejtën e votës. Kjo ngjarje ndodhi në 23 shkurt me kalendarin Julian, i cili përdorej në atë kohë në Rusi. Sipas kalendarit Gregorian i cili përdorej kudo në botë, kjo date bie në 8-të mars.

Që prej asaj dite “Dita Ndërkombëtare e Gruas” morri dimensione të tjera, dhe filloi të festohej në mbarë Botën. Në këtë dite reflektohet mbi kurajën dhe veprimet e grave të thjeshta të cilat luajtën një rol të rëndësishëm në historinë e të drejtave të grave.

Më 8mars të vitit 1910 në SHBA , Kanada e në vende të tjera të botës u bënë protesta të mëdha për të drejtat e gruas dhe pikërisht atë ditë të drejtat e gruas dhe të burrit janë të drejta. Për çdo 8mars fëmijët në të gjithë botën ju dhurojnë nënave të tyre lule e gjëra të tjera ne Shenjë dashurie për nënën.

Leave a Reply

Your email address will not be published. Required fields are marked *

Next Post

Jemi kudo, check-in Zemra e Tiranës

8 Marsi njihet si dita ndërkombëtare e gruas, ditë që festohet çdo vit dhe përkujton lëvizjen e grave. Në vendin tonë, dita e sotme përkthehet në një falenderim të madh për të gjithë femrat, për sakrificat e shumta, përkushtimin në familje, dashurinë që dhurojnë, e shumë e shumë veçori që […]